آج کی آیت پر خیالات

کرنتھیوں کے نام پولُس کے دُوسرے خط میں پولُس کے بار بار چلنے والے موضوعات میں سے ایک یہ ہے کہ خُدا کی قوت کمزوری میں کامِل بناتی ہے۔ پہلے کرنتھیوں میں، اُس نے زور دیا ہے کہ خُدا کی قوت، فہم، اور طاقت ظاہر کی گئی جو کہ عام طورپر کمزوری اور ذلت کی علامت تھی—صلیب(پہلا کرنتھیوں 1 باب 18 آیت—2باب5 آیت)۔ پولُس کمزور بزدل نہیں تھا—یاد رکھیں کہ وہ قائم رہا اور خُداوند کی خِدمت کرتا رہا(دُوسرا کرنتھیوں 11 باب 24 اور 27 آیت)۔ وہ صِرف یہ جانتا تھا کہ اُس کے تمام فن اور تربیت کے باوجود، وہ ماہر، ہوشیار اور اتنا مضبوط نہیں تھا کہ وہ سب کُچھ کرے جو کہ خُدا کی بادشاہت کے لیے کرنا لازم تھا۔ لیکن وہ جانتا تھا کہ جب ہم اپنی کمزوری کو جانتے ہیں، خُدا ہماری کمزوری کو لے لیتا ہے اور اُسے قوت کے ساتھ تب استعمال کرتا ہے جب ہم اپنے آپ کو اُس کے سامنے پیش کرتے ہیں۔

میری دعا

پیارے آسمانی باپ، میں اُن تمام وقتوں کے لیے تیرا شُکر ادا کرتا ہُوں کہ تُو نے مُجھے قوت بخشی جب میں امتحان میں تھا، مُجھےفہم عطا فرما جب صورت حال مُشکل ہو، یا مُجھے تب قوت بخش جب مُجھے اُن حالات اور مواقع کا سامنا ہو جو میری قابو کرنے کی صلاحیت سے بڑھ کر ہو۔ مُجھے یہ احساس ہے کہ تُو نے مُجھے اپنے فضل سے بچایا ہے؛ لیکن ہر دن جب میں نے تیری خِدمت کی، مُجھے دوبارہ یہ یاد کرایا گیا کہ تیرے لیے میری خِدمت کے دوران تیرا فضل آگے بڑھ کر جاری ہے۔ یسُوع کے نام میں، تیرا شُکرہو۔ آمین۔

آج کی آیت پر دعا اور خیالات فل وئیر لکھتے ہیں

اظہارِ خیال