ఈనాటి వచనమునుగూర్చిన తలంపు

యేసు మొదటిసారి వచ్చినప్పుడు, ఆయన దేవుడిని బయలుపరచడానికి వచ్చాడు (యోహాను 1:18; హెబ్రీయులు 1:1-3). ఆయన తన భూలోక పరిచర్యలో ఎంత అద్భుతమైనవాడుగా, శక్తిమంతుడిగా మరియు కృపగలవాడిగా ఉన్నప్పటికీ, ఆయన తన స్వరూపాన్ని పూర్తిగా బయలుపరచలేదు. మన నిరీక్షణ ఆయన తిరిగి రాకతో ముడిపడి ఉంది. ఆయన ఈసారి వచ్చినప్పుడు, దేవుడిని బయలుపరచడానికి కాదు, తనను తాను బయలుపరచుకోవడానికి వస్తాడు — జయించే ప్రభువుగా, తెల్ల గుర్రంపై స్వారీ చేసేవాడిగా, మన నిత్య రక్షకుడిగా. ఆయన ఎదుట ప్రతి మోకాలు వంగుతుంది. ఆయన నిజంగా మరియు సంపూర్ణంగా — శక్తిలో మరియు కృపలో ఇమ్మానుయేలుగా, ప్రతి విషయంలోనూ విజయం సాధించినవాడిగా ఎలా ఉన్నాడో మనం చూడగలుగుతాము . యేసు తిరిగి వచ్చినప్పుడు ఆయన కృపపై మనం మన నిరీక్షణను ఉంచినప్పుడు, ఈ రోజు మన రాజుకు చురుకైన సేవ చేయడానికి మనం నమ్మకంగా సిద్ధంగా ఉండగలం. ఆ గొప్ప దైన రేపు అను ఆ రోజు రాబోతోందని మనకు తెలుసు కాబట్టి, ఈ రోజు మనం ఆయన నాయకత్వంలో విధేయతతో మరియు స్తుతితో జీవించగలం!

నా ప్రార్థన

సర్వశక్తిమంతుడైన దేవా, అధికారంతో కూడా దేవదూతలతో వస్తున్న యేసును ముఖాముఖిగా చూసే రోజు కోసం నేను ఎదురుచూస్తున్నాను. అప్పటి వరకు, ఆ రోజున యేసు నాతో పంచుకునే మహిమ కోసం ఆశతో నా హృదయాన్ని కట్టుకోండి మరియు యేసులో విజయం నాదేనని తెలిసిన వ్యక్తిగా జీవించడానికి దయచేసి నాకు శక్తినివ్వండి. యేసు, నీ శక్తివంతమైన నామము ద్వారా నేను ప్రార్థిస్తున్నాను. ఆమెన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు