ఈనాటి వచనమునుగూర్చిన తలంపు

నిత్యులుగా ఉండటం కొత్త విషయమేమీ కాదు; ఆదిలో, దేవుడు తనతో సహవాసంలో నిరంతరం జీవించడానికి మనలను సృష్టించాడు. అయితే, మనం మృతులలో నుండి లేపబడినప్పుడు, సంపూర్ణంగా, నిత్యంగా యేసులా ఉండటం (1 యోహాను 3:1-3) కొత్తదిగా ఉంటుంది. యేసు నిర్జీవ శరీరాన్ని భూమిలో పాతిపెట్టినప్పుడు, దేవునితో మహిమలో నిత్యం జీవించే మన జీవితాలు ఆయనతోపాటు ప్రమాదంలో పడ్డాయి. దేవునికి స్తోత్రం. దేవుని ఆత్మ యేసును ఆయన మరణ నిద్ర నుండి మేల్కొల్పింది. యేసు పునరుత్థానం మన పునరుత్థానాన్ని కూడా నిర్ధారిస్తుంది, ఎందుకంటే మన జీవితాలు క్రీస్తుతో దేవునిలో దాచబడి ఉన్నాయి (కొలొస్సయులు 3:1-4), కాబట్టి మరణం ఇకపై మనలను వశపరచుకోలేదు. మనకు నిజంగా ముఖ్యమైన ఏకైక మరణం, యేసుతో బాప్తిస్మమనే విశ్వాసం ద్వారా మన పాపానికి చనిపోవడమే (రోమా 6:4). మనం ఆ మరణంలో పాలుపంచుకుంటే, ఆయన పునరుత్థానంలో కూడా నిశ్చయంగా పాలుపంచుకుంటాము (రోమా 6:5). యేసు "నిద్రపోయిన వారిలో ప్రథమ ఫలం." దీని అర్థం ఏమిటంటే, దేవుడు యేసును మృతులలో నుండి లేపాడు కాబట్టి, మనం కూడా క్రీస్తులో "సజీవులుగా చేయబడతామని" మరియు ఆయనతో నిరంతరం జీవిస్తామని నమ్మకంగా ఉండవచ్చు. ఆయన పునరుత్థానం మన పునరుత్థానానికి శాశ్వత హామీ ఇస్తుంది (రోమీయులు 8:11). నిజంగా దేవునికి స్తోత్రం!

నా ప్రార్థన

సర్వశక్తిమంతుడవు, కృపాశక్తిగల దేవా, నేను నిన్ను స్తుతిస్తున్నాను. మృతులలో నుండి యేసు పునరుత్థానం ద్వారా నాకు అనుగ్రహించిన నీ కృపనుబట్టి ఈ రోజు నిన్ను స్తుతిస్తున్నాను. నేను నిన్ను ముఖాముఖిగా చూస్తానని, నీ మహిమలో పాలుపంచుకుంటానని నాకు తెలుసు. పరిశుద్ధాత్మ ప్రతిదినం నన్ను యేసు యొక్క గొప్ప మరియు మహిమగల పోలికగా మార్చుచుండగా (2 కొరింథీయులు 3:18), ఇతరుల ఎదుట ఆ పునరుత్థాన జీవితాన్ని జీవించడానికి ఇప్పుడు నాకు సహాయం చేయుము. నీ నామమున నేను ప్రార్థిస్తున్నాను. ఆమేన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు