இந்தநாளுக்குரிய வேதவார்த்தையின் கருப்பொருள்
ஒரு புதிய உடன்படிக்கை - தேவன் வாஞ்சையுடன் நம்முடன் ஒரு புதிய உடன்படிக்கை மேற்கொண்டார் , அவருடைய சிருஷ்டிப்புகள் , அவர்களை அவருடைய குமாரனாகிய இயேசுவின் இரத்தத்தால் முத்திரையிடப்பட்டு, இந்த புதிய உடன்படிக்கையின் வாழ்க்கையை வாழ நமக்கு பெலன் கொடுக்க ஆவியானவரை அனுப்பினார். தேவன் நம்மோடு அன்போடும், கிருபையோடும் உடன்படிக்கை செய்துள்ளார். சர்வவல்லமையுள்ளவர் மறுபடியுமாய் , அந்த உடன்படிக்கையை மற்றவர்களுடன் பகிர்ந்து கொள்ள நம்மை தகுதியுடனும் திறமையுடனும் ஆக்கினார். இது ஜீவனைக் கொடுப்பதில் ஆச்சரியமில்லை: அது நமக்கும் நம் மூலமாகவும் ஜீவனைக் கொண்டுவருகிறது!
என்னுடைய ஜெபம்
பரிசுத்தமும் மகத்துவமுமுள்ள தேவனே , பாவத்திலிருந்து என்னை இரட்சித்து , பாவம் மற்றும் மரணத்தின் சட்டத்திலிருந்து என்னை மீட்டெடுத்த உமது கிருபைக்காக உமக்கு நன்றி. உம் குமாரனின் ஈவையும், உம் ஆவியின் வரத்தையும் அனுப்பியதற்காக நன்றி, அதனால் நான் ஜீவனோடும் , கிருபையோடும் மற்றும் அன்போடும் உம்முடனான உடன்படிக்கையில் வாழ முடியும். எனது பலவீனங்களை நான் ஒப்புக்கொள்ளும் அதே வேளையில், உம்முடைய ஜீவபலி , அன்பு மற்றும் உடன்படிக்கையை கனப்படுத்தும் வகையில் நான் வாழ்வேன் என்று உறுதியளிக்கிறேன், இறுதியில் நீர் நான் எப்படி இருக்க வேண்டும் என்று விரும்புகிறீர்களோ அதுபோலவே இருக்க எனக்கு அதிகாரம் அளிப்பீர்கள் என்று நம்புகிறேன். இயேசுவின் நாமத்தினாலே நான் ஜெபிக்கிறேன். ஆமென்.
