ఈనాటి వచనమునుగూర్చిన తలంపు

"నేను తప్పు చేశాను!" ఒకసారి ఆలోచిస్తే, మనమందరం తప్పులు చేశాం! మనం సరిపోము. మనం దైవత్వం కలవారం కాదు. మనంతట మనం నీతిమంతులం కాదు. మనమందరం తప్పిపోతాం. లోక ప్రమాణాల ప్రకారం మనం మంచివాళ్ళం కావచ్చు, కానీ పరిశుద్ధుడు, దోషరహితుడు, మరియు పరిపూర్ణుడైన దేవుని సన్నిధిలో ఆ మంచితనం మనలను రక్షించదు. నిజమైన నీతిమంతులు మాత్రమే సమాధిని దాటి మహిమలోనికి వెళ్తారు. దేవునికి స్తోత్రం! కృప ఉచితంగా ఇవ్వబడుతుంది, మరియు మన పాపానికి వెల యేసుచే చెల్లించబడింది. నేను "తప్పు చేసినప్పటికీ," యేసు దానిని పాపం, మరణం, నరకం, మరియు దుష్టుని నుండి పునరుద్ధరించాడు! నేను "తప్పు చేసినప్పటికీ" — మరియు మీరు కూడా తప్పు చేశారని ఒప్పుకోండి — యేసు మన జీవితాలను ఇప్పుడు ఆయనతో జీవించడానికి, మరియు నిరంతరం మహిమలో జీవించడానికి పునరుద్ధరించాడు (కొలొస్సయులు 3:1-4). యేసు మనలను తండ్రి యెదుట "ఆయన దృష్టిలో పరిశుద్ధులుగాను, నిష్కళంకులుగాను, నిందారహితులుగాను" సమర్పిస్తాడు (కొలొస్సయులు 1:22).

నా ప్రార్థన

దయగల మరియు ప్రేమగల తండ్రీ, మీ కరుణ, కృప, క్షమాపణ మరియు శుద్ధీకరణ విషయంలో మీరు ఇంత ఉదారంగా ఉన్నందుకు మీకు వందనాలు. నా పాపం నుండి నన్ను విమోచించడంలో మీరు ఎంతటి తీవ్రమైన ఆసక్తిని కనబరిచారో, నేను కూడా మీ నీతి పట్ల అంతే తీవ్రమైన ఆసక్తిని కలిగియుండుదును గాక. యేసు అధికారం మరియు ప్రేమ ఆధారంగా, నేను మిమ్మల్ని సంతోషపెట్టడానికి మరియు మరింత యేసురూపంలోకి మారడానికి ప్రయత్నిస్తున్నప్పుడు, ఈ విషయంలో నాకు సహాయం చేయమని పరిశుద్ధాత్మునిని వేడుకుంటున్నాను. ఆమేన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు