ఈనాటి వచనమునుగూర్చిన తలంపు

ఐక్యత మరియు సామరస్యం యాదృచ్ఛికంగా ఏర్పడేవి కావు! అవి సంకల్పం మరియు విధేయత వలన కలుగుతాయి. జీవిత మార్గంలో మనం ఎదుర్కొనే కేవలం స్థితిగతులుగా మాత్రమే కాకుండా, అవి దేవునిచే ఆజ్ఞాపించబడినవి. మనం వాటిని వెంబడించాలి! మనం ఐక్యత మరియు సామరస్యాన్ని ఎలా కలిగి ఉండగలం? మన "విశ్వాస కుటుంబం" జీవనశైలిలో మనం మూడు నిబద్ధతలను కలిగి ఉండాలని పేతురు మనకు గుర్తుచేస్తున్నాడు: మన దుఃఖాలను, నష్టాలను మరియు ఆందోళనలను మనం చురుకుగా పంచుకుంటాము. మనం ఒకరినొకరు కుటుంబంగా ప్రేమించుకుంటాము మరియు విలువ ఇస్తాము. మనం ఒకరిపట్ల ఒకరు కరుణ మరియు వినయాన్ని చూపిస్తాము. ఇతరులు తమ వైఫల్యాలను మరియు నష్టాలను ఎదుర్కొంటున్నప్పుడు, వారి కంటే మనం గొప్పవారమని ప్రవర్తించకుండా, మనం సానుభూతితో, ప్రేమతో, కరుణతో మరియు వినయంతో ఉంటాము. మన సహోదర సహోదరీల వలెనే, మరియు మనం కూడా సంపూర్ణ యేసురూప శిష్యులుగా ఉండవలసిన వారి వలెనే, మనం కూడా అవే సమస్యలకు, బాధలకు, గాయాలకు మరియు శోధనలకు గురయ్యే అవకాశం ఉందని గుర్తిస్తాము!

నా ప్రార్థన

తండ్రీ, క్రీస్తులో నా సహోదర సహోదరీలు నాకు తగిన గౌరవం ఇవ్వలేదనిపించినప్పుడు, నా అతి సున్నిత స్వభావం వల్ల గాయపడి, సంకుచిత భావంతో స్పందించినందుకు నేను ఒప్పుకుంటున్నాను. తాను సృష్టించిన మరియు రక్షించడానికి వచ్చిన వారి చేతిలోనే యేసు ఎంతో కఠినంగా, అవమానకరంగా వ్యవహరించబడ్డారని నాకు తెలుసు. పరిస్థితులు ఎప్పుడూ నాకు అనుకూలంగా ఉండనప్పుడు ఆశ్చర్యపోకూడదని కూడా నాకు తెలుసు. కాబట్టి ప్రియ తండ్రీ, నన్ను గాయపరిచే వారిని ప్రేమపూర్వకమైన హెచ్చరికతో (carefrontation) ఎప్పుడు సరిదిద్దాలో, అలాగే వారి గతంలోని ఏదో లోతైన గాయం వల్ల వారు అలా ప్రవర్తిస్తున్నారని గ్రహించి, ఆ మాటలను పట్టించుకోకుండా వారికి ఎలా సేవ చేయాలో తెలుసుకునే జ్ఞానాన్ని నాకు దయచేయి. తండ్రీ, నీ శాంతి, సామరస్యం, కృప, ప్రేమ, కనికరం మరియు ఐక్యతలకు నేను ఒక సాధనంగా ఉండేలా నన్ను నడిపించు. యేసు నామములో ప్రార్థిస్తున్నాను. ఆమేన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు