ఈనాటి వచనమునుగూర్చిన తలంపు

యేసు ప్రభువు! ఆయన క్రైస్తవులమైన మనకు మాత్రమే కాకుండా, అందరికీ ప్రభువుగా ఉన్నాడు (అపొస్తలుల కార్యములు 10:36). దేవుని ప్రణాళిక "క్రీస్తునందు ఉద్దేశించబడింది"; సరైన సమయంలో క్రీస్తు రావడం దీనికి కేంద్రబిందువుగా ఉంది (రోమీయులకు 5:6; గలతీయులకు 4:4). ఆయనను అందరికీ ప్రభువుగా చేయడం ద్వారా క్రీస్తునందు ఐక్యతను తీసుకురావడం, ప్రతి ఒక్కరూ ఆయన ప్రభుత్వాన్ని అంగీకరించేలా చేయడం దేవుని సంకల్పం (ఫిలిప్పీయులకు 2:9-11). ఇది దేవునికి ఎంతో సంతోషాన్ని కలిగిస్తుంది. యేసు మనకు రక్షకుడు మరియు ప్రభువు కూడా. ఆయన మనకోసం ఎంతో చేశారు కాబట్టి, మన హృదయాలు ఆయనను ఘనపరచాలని కోరుకుంటాయి. అంతేకాక, ఆయన ఆ ఘనతకు అర్హుడు కాబట్టి మనం ఆయనను ప్రభువుగా గౌరవిస్తాము. యేసును రక్షకునిగా మరియు ప్రభువుగా అంగీకరించే అవకాశం ఆయన దగ్గరకు వచ్చే ప్రతి ఒక్కరికీ ఉంది. కాబట్టి, మనల్ని మనం ఇలా ప్రశ్నించుకుందాం: "నా జీవితంలో, నా హృదయ ప్రాధాన్యతలలో, లేదా నా రహస్య విషయాలలో ఏ భాగాన్ని నేను ఇంకా ఆయన ప్రభుత్వానికి అప్పగించలేదు?" నేడే, వాటన్నింటినీ యేసు పాలనలోకి, ఆయన అధికారంలోకి తీసుకురావడానికి మనం తీర్మానించుకుందాం!

నా ప్రార్థన

ఓ ప్రియమైన తండ్రీ, నా హృదయం మోసపూరితమైనదని నాకు తెలుసు. కొన్నిసార్లు నన్ను నేనే మోసం చేసుకుంటాను. ఈ రోజు నేను నీ సన్నిధిలో మోకరిల్లుతున్నాను, ఎందుకంటే యేసునందు మన ప్రపంచం పట్ల నీకున్న ప్రేమ, కృప మరియు ఉద్దేశ్యం నన్ను దోషిగా నిరూపిస్తున్నాయి — అదేమిటంటే, సమస్తం ఆయన కిందకు తీసుకువచ్చి, ఆయనలో ఏకం చేయడం. ఈ ఆశీర్వాదాలను నేను పరిగణిస్తున్నప్పుడు, నీ నియంత్రణకు మరియు యేసు ప్రభుత్వానికి నేను ఇంకా పూర్తిగా లోబడని విషయాలు ఉన్నాయని గ్రహిస్తున్నాను. ప్రియమైన తండ్రీ, దయచేసి, నా స్వీయ-మోసాలను నాకు చూపించి, వాటిని గూర్చి నన్ను దోషిగా నిరూపించడానికి పరిశుద్ధాత్మను ఉపయోగించు, తద్వారా నేను యేసుకు పూర్తిగా లోబడగలను. యేసు నామంలో, నేను నీకు లోబడి ప్రార్థిస్తున్నాను. ఆమేన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు