آج کی آیت پر خیالات

یسُوع کے جی اُٹھنے نے سب کُچھ تبدیل کر دیا! عورتیں جو اُس کی مصلوبیت کے دُوران بہُت وفادار تھیں اور اُس کے جی اُٹھنے کے وقت وہاں موجود تھیں، فرمانبرداری سے اُمید کے ساتھ دُعا کر رہی تھیں۔ جیسا کہ ہم توقع رکھتے، یسُوع کی ماں بھی وہاں دُعا کر رہی تھی۔ لیکن ذرا غور کریں اور تم یسُوع کے بھائیوں کو دیکھو گی، جو کہ اُس پر شک کرتے اور مذاق اُڑاتے تھے، اب اُمید کے ساتھ رُوح القُدُس کی قُدرت کے وسیلہ سے اپنے بھائی کے قوت کے اظہار کے لیے دُعا کر رہے ہیں۔ ہاں، وہ انتظار کر رہے ہیں، بلکہ لاپرواہی کے ساتھ انتظار نہیں کر رہے۔ ہاں، وہ دُعا کر رہے ہیں، لیکن وہ یسُوع کے جی اُٹھنے کے عظیم کام کی اُمید بھی رکھتے ہیں جو اُن کے ذریعہ سے ہوگا۔ جب لوگ زندہ یسُوع سے اُمید کے ساتھ دُعا کرتے ہیں تو خُدا بڑے بڑے کام کرتا ہے۔ چنانچہ آپ کِس چیز کا انتظار کر رہے ہیں؟ اُن لوگوں کے گروہ کے ساتھ شامل ہو جائیں جو یسُوع سے محبّت کرتے ہیں، اور خُدا کے عظیم کام کی اُمید کے لیے دُعا کریں کہ وہ آپ کے وسیلہ سے ہو۔

میری دعا

قادرِ مطلق اور تمام قُدرت رکھنے والے خُدا، براہِ کرم میری کوششوں کو برکت دے جیسا کہ میں دُوسروں کو سرگرم دُعا میں شامل ہونے کے لیے حوصلہ دینے کی جُستجُو کر رہا ہُوں۔ میں دُعا کرتا ہُوں کہ تُو اُن کے درمیان بحالی پیدا کر جو تیرا نام لیتے ہیں اور اُن کے درمیان تحریک پیدا کر جو بھوکے ہیں، لیکن ابھی تک یسُوع کے لیے بھوک کو پہچان نہیں سکے۔ براہِ کرم لوگوں میں بحالی اور فضل کے جذبات پیدا کر جو یسُوع کو خُداوند کے طور پر جاننا چاہتے ہیں۔ یسُوع کے نام سے مانگتا ہُوں۔ آمین۔

آج کی آیت پر دعا اور خیالات فل وئیر لکھتے ہیں

اظہارِ خیال