آج کے دن کی آیت

مَیں نے وفاداری کی راہ اِختیارکی ہے۔ مَیں نے تیرے احکام اپنے سامنے رکھّے ہیں۔

اور جو کوئی اپنی صلیب نہ اُٹھائے اور میرے پِیچھے نہ چلے وہ میرے لائق نہیں۔ جو کوئی اپنی جان بَچاتا ہے اُسے کھوئے گا۔ اور جو کوئی میری خاطِر اپنی جان کھوتا ہے اُسے بَچائے گا۔

اپنے کلام میں میری راہنمائی کر۔ کوئی بدکاری مُجھ پر تسلُط نہ پائے۔

صادِق کے ہونٹ پسندِیدہ بات سے آشنا ہیں لیکِن شریروں کے مُنہ کجگوئی سے۔

یقیناً بھلائی اور رحمت عُمر بھر میرے ساتھ ساتھ رہیں گی اور مَیں ہمیشہ خُداوند کے گھر میں سکُونت کُروں گا۔

تُو میرے دُشمنوں کے رُو برُو میرے آگے دسترخواں بِچھاتا ہے۔ تُو نے میرے سَر پر تیل ملا ہے۔ میرا پِیالہ لبریز ہوتا ہے۔

شرِیر کا خوف اُس پر آ پڑے گا اور صادِقوں کی مُراد پُوری ہوگی۔

اور اُس نے سب سے کہا: "اگر کوئی میرے پِیچھے آنا چاہے تو اپنی خُودی سے اِنکار کرے اور ہر روز اپنی صلیب اُٹھائے اور میرے پیچھے ہولے۔"

پس اے بھَا ئیو میں خُدا کی رحمتیں یاد دِلا کر تُم سے اِلتماس کرتا ہوں کہ اپنے بَدَن ایسی قُربانی ہونے کےلیے نَذر کرو جو زِندہ اور پاک اور خُدا کو پسندیدہ ہو۔ یہی تُمہاری معقُول عِبادت ہے۔ اور اِس جہان کے ہمشکل نہ بنو بلکہ عقل نئی ہو جانے سے اپنی صورت بدلتے جاؤ تاکہ خُدا کی نیک اور پسندِیدہ اور کامِل مرضی تجربہ سے معلُوم کرتے رہو۔

جِس کے پاس میرے حُکم ہیں وہ ان پر عمل کرتا ہے وُہی مُجھ سے محّبت رکھتا ہے اور جو مُجھ سے محبّت رکھتا ہے وہ میرے باپ کا پیارا ہوگا اور میں اُس سے محبّت رکھوں گا اور اپنے آپ کو اُس پر ظاہِر کروں گا۔

اور نہ فقظ وُہی بلکہ ہم بھی جِنہیں روح کے پہلے پھَل ملے ہیں آپ اپنے باطِن میں کراہتے ہیں اور لے پالک ہونے یعنی اپنے بدن کی مَخلصی کی راہ دیکھتے ہیں۔

کِیوُنکہ مخلُوقات تمام آرزو سے خُدا کے بیٹوں کے ظٓاہر ہونے کی راہ دیکھتی ہے۔

کِیُونکہ جہاں دو یا تین میرے نام پر اِکٹھّے ہوں میں اُن کے بِیچ میں ہوں۔

بلکہ خواہ مَوت کے سایہ کی وادی میں سے میرا گُزر ہومیں کسی بلا سے نہیں ڈرُوں گا کِیونکہ تُو میرے ساتھ ہے تیرے عصا اور تیری لاٹھی سے مجھے تسلّی ہے۔

حِکمت کا حُصُول سونے سے بُہت بہتر ہے اور فہم کا حُصُول چاندی سے بُہت پَسندِیدہ ہے

پس کیا ہُوا کیا ہم اس لیے گُناہ کریں کہ شُرِیعَت کے ماتحت نہیں بلکہ فَضل کے ماتحت ہیں؟ ہرگز نہیں۔

اس لیے کہ گُناہ کا تُم پر اِختیار نہ ہوگا کُیونکہ تُم شَرِیعَت کے ماتحت نہیں بلکہ فصل کے ماتحت ہو۔

اور اُس مُبارک اُمید یعنی اپنے بزُرگ خُدا اور مُنجی یسوع مسیح کے جلا ل کے ظاہِر ہونے کے مُنتظِر رہیں۔ جس نے ہمارے واسطے اپنے آپ کو دے دیا تاکہ فدیہ ہو کر ہمیں ہر طرح کی بے دینی سے چُھڑا لے اور پاک کر کے اپنی خاص ملکیت کے لیے ایک اَیسی اُمت بنائے جو نیک کاموں میں سرگرم ہو۔

کیونکہ خُدا کا وہ فَضل ظاہِر ہُوا ہے جو کہ تمام آدمیوں کی نجات کا باعث ہے۔ اور ہمیں تربیت دیتا ہے کہ بے دینی اور دنیوی خواہِشوں کااِ نکار کر کے اس موجُودہ جہان میں پرہَیز گاری اور راستبازی اور دینداری کے ساتھ زِندگی گُزاریں۔

پر زمین خُدا کے آگے ناراست ہو گئی تھی اور وہ ظُلم سے بَھری تھی۔ اور خُدا نے زمین پر نَظر کی اور دیکھا کہ زمین ناراست ہو گئی ہے کیونکہ ہر بَشر نے زمین پر اپنا طریقہ بِگاڑ لیا تھا۔

راست رَو بے کھٹکے چلتا ہے لیکِن جو کجرَوی کرتا ہے ظاہِر ہو جائے گا۔

کَیا میں نے تُجھ کو حُکم نہیں دیا؟ سو مضبوط ہو جا اور حوصلہ رکھ۔ خوف نہ کھا اور بے دِل نہ ہوکیونکہ خُداوند تیرا خُدا جہاں جہاں تُو جائے تیرے ساتھ رہے گا۔

کیونکہ خُدا کا کَلام زِندہ اور مَوثر اور ہر ایک دو دَھاری تلوار سے زیادہ تیز ہے اور جان اور روح اور بند بند اور گُودے گُودے کو جدا کر کے گزر جاتا ہے۔ اور دل کے خیالوں اور ارادوں کو جانچتا ہے۔

کیونکہ وہ ترستی جان کو سیر کرتا ہے اور بُھوکی جان کو نِعمتوں سے مالا مال کرتا ہے

وہ مجھے ہری ہری چرا گاہوں میں بٹھاتا ہے وہ مجھے راحت کے چشموں کے پاس لے جاتا ہے، وہ میری جان کو بحال کرتا ہے وہ مجھے اپنے نام کی خاطر صداقت کی راہوں پر لے چلتا ہے

تیرا کلام میرے قدموں کے لیے چراغ اور میری راہ کے لیے روشنی ہے۔

کیونکہ اے خداوند! تُو نے مجھے اپنے کام سے خوش کیا ۔ میں تیری صنعت کاری کے سبب سے شادیانہ بجاؤں گا۔

خداوند میرا چوپان ہے مجھے کمی نہ ہوگی۔

میں تجھ میں خوشی مناؤں گا اور مسرور ہونگا۔ اے حق تعالیٰ! میں تیری سِِتائش کروں گا۔

جو حق تعالیٰ کے پردہ میں رہتا ہے ۔ وہ قادرِ مطلق کے سایہ میں سکونت کرے گا۔