இந்தநாளுக்குரிய வேதவார்த்தையின் கருப்பொருள்
நீங்கள் கடைசியாக எப்போது ஜெபித்தீர்கள் , அப்பொழுது தேவனிடம் எதையும் குறித்து கேட்காமல், வெறுமனே அவருக்கு நன்றி சொல்லி பாராட்டினீர்கள்? நன்றி மற்றும் ஸ்தோத்திரம் மட்டும் செய்யும் நாளாக இன்று ஏன் பயன்படுத்தக்கூடாது? எதையும் பதிலுக்கு கேட்காமல் ; தேவனை மாத்திரம் புகழ்ந்து, நன்றி செலுத்தி, ஸ்தோத்திரம் சொல்லுங்கள்! அவர் யார், அவர் என்ன செய்தார், என்ன செய்யப் போகிறார் என்பதற்காக அவரைப் புகழ்ந்து பேசுங்கள்! உங்களை ஆசீர்வதித்ததற்காகவும், உங்களைக் மீட்டதற்காகவும், அவருடைய மகிமைக்குள் கொண்டு வந்ததற்காகவும் அவருக்கு நன்றி செலுத்துங்கள் ! நம்முடைய பிதாவாகிய தேவனானவருக்கு என்றென்றைக்கும் மகிமை உண்டாவதாக. என்று நன்றி மற்றும் ஸ்தோத்திரம் செய்யும் நாளாக அமையட்டும். ஆமென்.
என்னுடைய ஜெபம்
அன்பான பிதாவே , அடியேன் எண்ணிப் பார்க்கமுடியாத ஒவ்வொரு பாராட்டு வார்த்தைக்கும், என் நாக்கு உச்சரிக்கக்கூடிய ஒவ்வொரு நன்றியுள்ள வார்த்தைக்கும் நீர் மாத்திரமே தகுதியானவர் . நீர் மகிமையுள்ளவர் , வல்லமையுள்ளவர் , பரிசுத்தமானவர், மிகவும் பெலமுள்ளவர் , அற்புதமானவர். நீர் பொறுமையுள்ளவராகவும் , மன்னிப்பவராகவும், தியாகம் செய்பவராகவும், அன்புள்ளவராகவும் , கனிவு நிறைந்தவராகவும் இருக்கிறீர். அடியேன் கற்பனை செய்வதை விட மிகவும் பெரியவர் , ஆயினும் என் சுவாசத்தை விட நெருக்கமாகவும் என்னோடே இருக்கிறீர் . உமது மகத்துவம் என் சொற்களஞ்சியத்தில் உள்ள வார்த்தைகள் போதாது , உமது பெருந்தன்மை என் இருதயத்தை மூழ்கடிக்கிறது. என் ஒவ்வொரு எண்ணத்திலும், செயலிலும், வார்த்தையிலும் நீர் மாத்திரம் மகிமைப்படுத்தப்பட வேண்டும் என்று விரும்புகிறேன் அதற்கு நீர் உதவி செய்யும். இயேசுவின் நாமத்தில் அடியேன் உம்மை போற்றுகிறேன். ஆமென்.
