இந்தநாளுக்குரிய வேதவார்த்தையின் கருப்பொருள்
இருள் நம் உலகத்தை ஆதிக்கம் செலுத்துகிறது, அதில் சொல்லப்படும் விஷயங்களில் பெரும்பாலானவற்றையும், அநேக மக்கள் அதை தங்கள் வாழ்க்கையின் யதார்த்தத்தை எப்படிப் பார்க்கிறார்கள் என்பதையும் அவை (இருள்) கட்டுப்படுத்துகிறது. எனவே, இருள் ஆதிக்கம் செலுத்தும் உலகில், ஒளி தனித்து நிற்க வேண்டும். ஒருவர் இயேசுவுக்காக வாழும்போது, மக்கள் அவர்களை கவனிக்கிறார்கள். இயேசுவின் சீஷர்களின் உண்மைத்தன்மையை உலகம் புறக்கணிக்கவோ அல்லது அவர்களின் நீதியையும் கிருபையின் செல்வாக்கையும் மறக்கவோ முடியாது. உலகம் அந்த செல்வாக்கை வெறுக்கலாம், அதைக் குறைக்க முயற்சி செய்யலாம், அல்லது நேரடியாக எதிர்க்கலாம். ஆனால், அன்பான நண்பரே, தனது சீஷர்களால் உலகில் பிரதிபலிக்கப்படும் இயேசுவின் ஒளி கவனிக்கப்படாமல் போக தீயவன் அனுமதிக்க மாட்டான்! அப்படியானால், உலகம் நம் ஒளியை எவ்வாறு வகைப்படுத்தும்? நம் ஒளியை அணைக்க விரும்பும் நம்மைச் சுற்றியுள்ள விரோதமான உலகத்திடம் நாம் எவ்வாறு நடந்து கொள்ளப் போகிறோம்? மற்றவர்கள் நம் ஒளியைக் கண்டு, தம்முடைய குமாரனாகிய இயேசுவை உலகத்தின் ஒளியாக அனுப்பிய பரலோகத் தந்தையிடம் ஈர்க்கப்படுவார்களா? இயேசுவின் சீஷர்களின் வாழ்க்கை முறை , தொலைந்து போன உலகத்திற்கு அதிக சேவை செய்வதாக இல்லாமல், வெறும் வாயின் வார்த்தையாக மாத்திரம் இருப்பதாலோ அல்லது நமது இரட்சகரின் வாழ்க்கை முறை மற்றும் குணாதிசயத்திற்குக் கீழ்ப்படிவதாலோ, உலகம் கிறிஸ்துவின் வழியை நிராகரிக்குமா? நாம் பகிர்ந்து கொள்ளும் ஒளி, நம் வாழ்வில் தேவனின் கிருபையை மற்றவர்கள் காணவும், பின்னர் நம் இரட்சகரிடம் ஈர்க்கப்படவும் உதவுவதை உறுதிசெய்வோம். மற்றவர்கள் காணும்படி இருக்கிற ட மலையின் மேல் இயேசுவின் விளக்காக இருப்போம்!
என்னுடைய ஜெபம்
பரிசுத்தமும் நீதியுமுள்ள பிதாவே, எங்களை இரட்சித்த உமது கிருபைக்காக நன்றி. நாங்கள் செய்யும் எல்லாவற்றிலும் உமது குணத்தையும் கிருபையையும் பிரதிபலிக்க எங்களுக்கு உதவுங்கள், இதனால் மக்கள் எங்களைக் கவனித்து எங்கள் கிறிஸ்தவ உறுதிப்பாட்டை அறிந்திருக்கும்போது, அவர்கள் காண்கிற ஊழியத்தினாலும் நான் கொண்டு வரும் ஒளியினாலும் உம்மை மகிமைப்படுத்துவார்கள். இயேசுவின் நாமத்தினாலே யாவரும் ஒருமித்து ஜெபிக்கிறோம். ஆமென்.
