இந்தநாளுக்குரிய வேதவார்த்தையின் கருப்பொருள்
நாம் அடைய விரும்பும் இவ்வுலக பொருள்கள் யாவும் அழிந்துப்போகக்கூடியவை . அவற்றின் பயன் ஒரு சில மாதங்கள் மட்டுமே நீடிக்கும், அல்லது அதிகபட்சமாக சில குறுகிய ஆண்டுகள் மாத்திரமே நிலைத்துநிற்கும் . நம் வாழ்க்கையும், நாம் நேசிக்கிறவர்களின் வாழ்க்கையும் கூட குறுகியது. தேவனுடைய மேலான குணாதிசயத்தை குறிப்பது அவருடைய பரிசுத்தம்,* என்றென்றும் - "நிலைத்து இருக்கிறது." எனவே நாம் நம் வாழ்க்கையை கட்டியெழுப்பும்போது, அது தேவனின் சித்தம் மற்றும் அவரை மகிமைப்படுத்தும்படியாய் நம் வாழ்க்கையை அவருடைய பரிசுத்தத்திலே பங்கடையத்தக்கதாக ஒப்புவித்து வாழ்வது, போன்ற ஒரு பாதுகாப்பான அஸ்திவாரத்தின் மீது கட்டுவோம். * ஏசாயாவின் தரிசனத்தில் இருந்த சேராபீன்கள் சத்தமிட்டதுப்போல , ஒருவரையொருவர் நோக்கி: சேனைகளின் கர்த்தர் பரிசுத்தர், பரிசுத்தர், பரிசுத்தர் பூமியனைத்தும் அவருடைய மகிமையால் நிறைந்திருக்கிறது என்று கூப்பிட்டுச் சொன்னார்கள். (ஏசாயா6:1-4)
என்னுடைய ஜெபம்
பரிசுத்தமுள்ள தேவனே, உமது கிருபையால் என்னை பரிசுத்தமாக்கி, என் பாவத்தை மன்னித்ததற்காக நன்றி (ரோமர் 5:6-11; கொலோசெயர் 1:22-23). தயவு செய்து உமது பரிசுத்த ஆவியினால் என்னை நிரப்பி, ஆவியின் கனியை என் வாழ்வில் காண்பிக்கச் செய்யும் , அதனால் நான் உமது கிருபையையும் பரிசுத்த குணத்தையும் பிரதிபலிப்பேன் . நான் உம் சத்தியத்தை தேடி, அதை என் வாழ்வில் பயன்படுத்தும்போது, உமது சித்தத்தை அறிந்துகொள்ள எனக்குத் தாகத்தை தாரும் . உம்முடைய பரிசுத்ததை என் குறிக்கோளாகக் கொண்டு, உம்மை என் மையமாக வைத்து என் வாழ்க்கையை உருவாக்க விரும்புகிறேன். இயேசுவின் அருமையான நாமத்தினாலே நான் ஜெபிக்கிறேன். ஆமென்.
