ఈనాటి వచనమునుగూర్చిన తలంపు

యేసు కొండమీది ప్రసంగంలో మాట్లాడుతున్నారు. మనం తరచుగా వెంబడించే వాటన్నిటి గురించి చింతించవద్దని ఆయన కోరుకుంటున్నారు. కాబట్టి, మన జీవితాలపై దేవుని ప్రభుత్వాన్ని మరియు మన దైనందిన వ్యవహారాలలో ఆయన పవిత్ర స్వభావాన్ని ప్రతిబింబించే ఆయన నీతిని మనం వెదకుదాం (పట్టుదలతో వెంబడిద్దాం). మనం వెంబడించే మిగతావన్నీ తాత్కాలికమైనవే. దేవుడు మరియు ఆయన రాజ్యం మాత్రమే నిలిచి ఉంటాయి. మనం దేవుని రాజ్యాన్ని మరియు ఆయన నీతిని వెంబడిస్తున్నప్పుడు, మనకు తన రాజ్యాన్ని మరియు తన నీతిని ఇచ్చేవాడే, ఈ జీవితంలో మనకు అవసరమైన వాటితో కూడా మనలను ఆశీర్వదిస్తాడని యేసు వాగ్దానం చేస్తున్నారు.

నా ప్రార్థన

పరిశుద్ధుడవైన దేవా, నా ఆత్మ యొక్క అంతరంగిక వాంఛలను తృప్తిపరిచేది నీలోనే నాకు లభిస్తుంది. నా దృష్టిని ఆకర్షించిన విషయాలు కొద్ది కాలానికే విసుగు పుట్టిస్తాయి. నేను వెంటాడిన కృత్రిమమైన విషయాలు మరియు నా వ్యసనపూరితమైన ఆసక్తులన్నీ నన్ను శూన్యతలోనూ, బానిసత్వంలోనూ, అప్పుల ఊబిలోనూ మిగిల్చాయి. నీలోనే నాకు నిరీక్షణ, సహాయం లభిస్తాయి. నా ప్రాణము దేవుని నమ్ముకొని మౌనముగా ఉన్నది. ఆయనవలన నాకు రక్షణ కలుగును. ఆయనే నా ఆశ్రయదుర్గము ఆయనే నా రక్షణకర ఎత్తయిన నాకోట ఆయనే, నేను అంతగా కదలింప బడను. ఎన్నాళ్లు మీరు ఒకనిపైబడుదురు? ( కీర్తనల గ్రంథము 62:1,2) అని చెప్పిన కీర్తనకారుడైన దావీదుతో కలిసి నేను ఇలా ఒప్పుకుంటున్నాను. ప్రభువా, నా జీవితాన్ని నీకే అప్పగిస్తున్నాను. నీ రాజ్యాన్ని నేను మొదటగా కోరుకుంటున్నాను. నా ఇతర ప్రయత్నాలన్నీ గాలిని పట్టుకోవడానికి చేసే వ్యర్థమైన ప్రయత్నాలే. కాబట్టి, నన్ను సరిదిద్ది, శిక్షణనిచ్చి, నడిపించి, నీ నమ్మకమైన సేవకునిగా తీర్చిదిద్దేలా నేను నీకు దగ్గరవుతున్నాను. యేసు నామములో ప్రార్థిస్తూ ఒప్పుకుంటున్నాను. ఆమెన్.

ఈనాటి వచనం" లోని భావన మరియు ప్రార్థన ఫీల్ వారే గారిచే వ్రాయబడినవి.

మీ అభిప్రాయములు