இந்தநாளுக்குரிய வேதவார்த்தையின் கருப்பொருள்
தேவன் பரிசுத்தமும் , நீதியும் , நியாயமுமானவர். ஆனால், இந்த குணங்கள் மிக மிக முக்கியமானதாக இருப்பதால் , அவற்றை அவர் உருக்கமும், கிருபையும் , பொறுமையும் மிகுந்த இரக்கத்தினாலும், அன்பினாலும் வெளிப்படுத்துகிறார். நாம் தேவனுக்கு கீழ்ப்படிகிறவர்களாகவும் , ஆராதனை செய்கிறவர்களாகவும் , பயத்தோடே மதிக்கிறவர்களாகவும் மாத்திரம் இருக்க கூடாது, நாம் அவரை நேசிக்கிறவர்களாகவும் , போற்றுகிறவர்களாகவும் , தொழுதுகொள்ளு கிறவர்களாகவும் இருக்க வேண்டும் ! எப்படியாயினும் , நம்முடைய சொந்த வாழ்க்கையில் தேவனின் குணாதிசயத்தை பிரதிபலிப்பது மிகப்பெரிய சவாலாகவும் இருக்கும்.
என்னுடைய ஜெபம்
சர்வவல்லமையுள்ள தேவனே, நான் உம்மை விசுவாசிக்கிறவனாக மாத்திரமல்லாமல், உம்முடைய உண்மையையும், இரக்கத்தையும், அன்பையும், கிருபையையும், மிகுந்த உருக்கத்தையும் நான் போற்றுகிறவனாகவும் இருக்கச் செய்யும் . தயவுக்கூர்ந்து இந்த நற்பண்புகள் ஒவ்வொன்றையும் இன்னும் முழுமையாகக் காண்பிக்க அடியேனுக்கு உதவியருளும். கர்த்தராகிய இயேசுவின் நாமத்தினாலே. ஆமென்.
