இந்தநாளுக்குரிய வேதவார்த்தையின் கருப்பொருள்
இயேசுவுக்குள் உள்ள புதிய ஆத்துமாவுக்காக பவுலானவர் ஒரு தெளிவான இலக்கைக் கொண்டிருந்தார்; இயேசுவானவர் உங்களுக்குள் உருவாக வேண்டும் என்று அவர் விரும்பினார். அவர்கள் கிறிஸ்துவுக்குள் தேறினவர்களாக இருக்கவேண்டுமென்று அவர் விரும்பினார் (கொலோசெயர் 1:28-29). அவர்கள் தங்கள் இருதயத்தை இயேசுவின் மீதே நோக்கமாக வைத்து , இயேசுவின் குணாதிசயங்களை தங்கள் வாழ்க்கையில் பிரதிபலிக்க முற்பட்டால், இந்த காரியத்தில் பரிசுத்த ஆவியானவர் அவர்களுக்கு உதவுவார் என்பதை அவர் அறிந்திருந்தார் (2 கொரிந்தியர் 3:18). எனவே, நாம் அன்றாட நடவடிக்கைகளை மேற்கொள்ளும்போது, பவுலானவரின் குறிக்கோளைப் போற்றுவோம் - இயேசுவானவரை நமக்குள் ஜீவனோடு இருக்கும்படியாகவும் , அவருடைய தேறின சாயலின் முழு அளவை நம்மில் கொண்டுவரும்படியாகவும் அழைப்போம்.
என்னுடைய ஜெபம்
பரிசுத்தமும் நீதியுமுள்ள தேவனே, இயேசுவின் பிரசன்னம் என்னுள் பெருகட்டும், அதனால் என் வாழ்க்கையில் இயேசுவை இன்னும் அதிகமாகக் காண்பிக்க முடியும். அதே வேளையில் , அன்பான பிதாவே , கேடுகளுள்ள இவ்வுலகத்தின் திசைதிருப்பப்பட்ட வழிகளிலிருந்து எனது அணுகுமுறை, நடத்தை மற்றும் வார்த்தை மாறுப்பட்டதாக இருக்க விரும்புகிறேன்.. இது இன்று உண்மையாக இருக்கட்டும், மேலும் அன்பான பிதாவே , ஒவ்வொரு நாளும் இது இன்னும் தெளிவாக காணப்படட்டும். என் இரட்சகரும், என் இலக்குமான இயேசுவின் நாமத்தினாலே ஜெபிக்கிறேன். ஆமென்.
